ოცდამეერთე საუკუნეში იმის იმედით შევაბიჯეთ, რომ ახალ გამოწვევებს უნდა დავპირისპირებოდით, თუმცა შეუთანხმებლობა და რადიკალიზმი თანამედროვე მსოფლიოს განუყოფელ ნაწილად იქცა. რადიკალიზმით საზოგადოების თითქმის ყველა შრის მოცვამ საკითხის აღქმა კიდევ უფრო გაართულა, ხოლო მის წინააღმდეგ ბრძოლამ შეუქცევადი ხასიათი მიიღო. წინამდებარე სტატია სწორედ იმ რეალობის წარმოჩენას ისახავს მიზნად, რომლის წინაშეც თანამედროვე მსოფლიო დგას. მიმდინარე მოვლენების ანარეკლებს საქართველოშიც ნათლად ვხედავთ. ამიტომ, სასიცოცხლოდ მნიშვნელოვანია კრიტიკული სააზროვნო და სოციალური სივრცის შექმნა, სადაც შინაარსობრივი მსჯელობების საფუძველზე დღეს გაბატონებული იდეოლოგიის ალტერნატიული მოდელი შემუშავდება